وجئے پور 10 اکتوبر (ایس او نیوز)  ضلع کے بسون باگے واڑی تعلقہ کے کڈکول دیہات میں گرج چمک کے ساتھ اچانک بجلی گرنے سے ماں اور بیٹی ہلاک ہوگئے،  البتہ  خاتون کا شوہر زخمی ہوگیا اور معجزاتی طور پر بچ گیا۔

ذرائع سے ملنے والی اطلاع کے مطابق سنیچر شام کو یہ واردات پیش آئی۔تینوں لوگ کھیت سے گھر آرہے تھے جس کے دوران اچانک گرج چمک کے ساتھ بارش شروع ہوجانے پر تینوں ایک درخت کے نیچے ٹہرے تھے کہ بجلی گری اور پل بھر میں  مہادیوی بھجنتری (43)، ان کی بیٹی سونی بھجنتری (12) ہلاک ہوگئے، جبکہ مہادیوی کا شوہر  ینکپآ کو بجلی گرنے سے  چوٹ آئی مگر وو معجزاتی طور پر بچ گئے۔